”Ta bëjmë Evropën sërish të madhe” (“Make Europe Great Again”) do të jetë slogani i presidencës së ardhshme hungareze të Bashkimit Evropian.
Motoja, një referencë e dukshme ndaj sloganit të fushatës zgjedhore të ish-presidentit të SHBA-së, Donald Trump 2016, u zbulua nga ministri hungarez i Çështjeve Evropiane, Janos Boka në një konferencë shtypi në Budapest.
Nën kryeministrin Viktor Orban, Hungaria ka ndjekur lidhje të ngushta me Trump dhe mbështetësit e tij mes konservatorëve amerikanë dhe ka organizuar mitingje politike për konservatorët amerikanë.
Veprimtaria e sotme në Budapest u organizua për të paraqitur objektivat e politikës së BE-së të Hungarisë për gjysmën e dytë të vitit, me fokus në mbrojtjen, zhvillimin ekonomik dhe migracionin.
Presidenca e BE-së bëhet me rotacion çdo gjashtë muaj, me Hungarinë që merr detyrën nga Belgjika më 1 korrik.
Pozicioni i presidencës është kryesisht burokratik dhe përfshin përcaktimin e agjendave për takime dhe drejtimin e diskutimeve politike drejt një vendimi, ndonjëherë gjetjen e një kompromisi midis shteteve anëtare të BE-së kur nuk ka konsensus të qartë./ata
