Kryeministri izraelit, Benjamin Netanyahu, do të takohet në mbrëmje me zyrtarë të lartë të sigurisë për të diskutuar negociatat për shkëmbimin e pengjeve me Izraelin.
Siç raporton transmetuesi izraelit ‘Channel 13’, Netanyahu gjatë takimit do të vendosë për përbërjen e ekipit negociator që do të udhëtojë në Katar për negociatat.
Duke cituar burime nga Mossad, kanali izraelit tha se zyrtarët izraelitë janë optimistë për arritjen e një marrëveshje për të kthyer pengjet izraelite nga Gaza.
Burimet thanë se Izraeli momentin aktual e konsideron si “të përshtatshëm” për arritjen e një marrëveshje, me autoritetet e sigurisë që këshillojnë liderët politik që ta shfrytëzojnë atë.
Sipas gazetës ‘Yedioth Ahronoth’, ekipi negociator planifikon të largohet nga Izraeli të hënën për marrëveshjen e shkëmbimit të pengjeve me Hamasin.
Për muaj të tërë, përpjekjet e SHBA-së, Katarit dhe Egjiptit për të ndërmjetësuar një marrëveshje midis Izraelit dhe Hamasit për një shkëmbim pengjesh dhe armëpushimi janë penguar nga refuzimi i thirrjes së Hamasit nga Netanyahu për të ndërprerë armiqësitë.
Duke shkelur rezolutën e Këshillit të Sigurimit të OKB-së që kërkon një armëpushim të menjëhershëm, Izraeli është përballur me reagimin ndërkombëtar në mes të ofensivës brutale të vazhdueshme në Gaza që nga sulmi i 7 tetorit nga grupi palestinez Hamas.
Të paktën 38.150 palestinezë janë vrarë që atëherë, kryesisht gra dhe fëmijë, si dhe mbi 87.800 të tjerë janë plagosur. Nëntë muaj pas luftës izraelite, pjesë të mëdha të Gazës janë kthyer në gërmadha mes një bllokade gjymtuese të ushqimit, ujit të pastër dhe ilaçeve.
Izraeli akuzohet për gjenocid në Gjykatën Ndërkombëtare të Drejtësisë, vendimi i fundit i së cilës e urdhëroi Tel Avivin të ndalojë menjëherë operacionin ushtarak në qytetin jugor Rafah, ku mbi 1 milion palestinezë kanë kërkuar strehim nga lufta përpara se qyteti të pushtohej më 6 maj./aa
