Dhjetëra lokale në kryeqytetin francez Paris janë mbuluar me dërrasa druri dhe mbrojtëse të tjera para përfundimit të raundit të tyre të zgjedhjeve të parakohshme parlamentare, në të cilat francezët zgjedhin anëtarët e ri të parlamentit.
Pas shpalljes së rezultateve, pas mbylljes së qendrave të votimit, priten protesta për të cilat është shprehur shqetësim në disa zona, përfshirë zonat Rue de Rivoli dhe Champs-Élysées.
Ministria e Punëve të Brendshme për t’u marrë me trazirat e mundshme njoftoi vendosjen e 30 mijë policëve në të gjithë Francën, përfshirë 5 mijë vetëm në Paris.
Më shumë se 43 milionë votues francezë sot kanë të drejtën e votës në qendrat e votimit që u hapën në orën 08:00 për të zgjedhur 501 anëtarët e mbetur të Asamblesë Kombëtare, dhomës më të ulët të parlamentit, për një mandat 5-vjeçar.
Presidenti francez, Emmanuel Macron, shpërndau parlamentin dhe shpalli zgjedhjet të parakohshme pasi Tubimi Kombëtar (RN) i ekstremit të djathtë siguroi më shumë se 31 për qind të votave në zgjedhjet e Parlamentit Evropian më 9 qershor, duke mundur bllokun qendror të presidentit.
Raundi i parë i zgjedhjeve u zhvillua më 30 qershor me një pjesëmarrje prej mbi 65 për qind të votuesve të regjistruar.
Rreth 76 kandidatë u zgjodhën në raundin e parë për Asamblenë Kombëtare që ka gjithsej 577 ulëse. Raundi i dytë në ato zona nuk organizohet.
Sipas rezultateve të zgjedhjeve, RN-ja siguroi 29,26 për qind të votave apo 37 ulëse. Aleanca e krahut të majtë Fronti i Ri Popullor (NFP) siguroi 28,06 për qind dhe aleanca e qendrës Së Bashku për Republikën, e mbështetur nga presidenti Macron, përfundoi e treta me pak më shumë se 20,04 për qind të votave./aa
