Grupi Parlamentar i PD i ka drejtuar një letër kryetares së Kuvendit Elisa Spiropalit ku i kërkon thirrjen e Kuvendit në sesion të jashtëzakonshëm. Arsyeja e kësaj kërkesë është rishikimi i mandatit të deputetes Olta Xhaçka.
Deputetët e opozitës theksojnë se është e papranueshme mbrojtja politike dhe pengimi ndaj drejtësisë që mazhoranca po bën për rastin e ish-ministres dhe deputetes Olta Xhaçka, duke injoruar Kushtetutën dhe duke penguar zbatimin e dy vendimeve të Gjykatës Kushtetuese.
“Ne dënojmë me forcë standartin “një drejtësi për Edi Ramën dhe një drejtësi tjetër për gjithë të tjerët”. Në çdo vend demokratik zbatimi i vendimeve të Gjykatës Kushtetuese është i detyrueshëm dhe themeli mbi të cilin ngrihet një shtet ligjor”, – thuhet në letrën e deputetëve të opozitës drejtuar Kryetares së Kuvendit Elisa Spiropali.
Kujtojmë se Kuvendi tashmë ka mbyllur sesionin parlamentar dhe pritet që sesioni i ri të fiilojë në shtator. Por mund të thirret në një seancë të jashtëzakonshme, nëse e kërkon Presidenti apo 1/5 e deputetëve.
Lista e deputetëve të PD-së që kanë firmosur kërkesën drejtuar Kuvendit, përveç kreut të grupit Gazment Bardhi:
Asllan Dogjani
Petrit Doda
Flamur Hoxha
Lefter Gështenja
Dhurata Çupi
Bledjon Nallbati
Jorida Tabaku
Emilja Koliqi
Kastriot Piroli
Zheni Gjergji
Sorina Koti
Edmond Spaho
Isuf Çelaj
Qani Xhafa
Ina Zhupa
Edi Paloka
Elda Hoti
Ervin Salianji
Lindita Metaliaj
Ramadan Likaj
Xhelal Mziu
Oerd Bylykbashi
Ferdinand Xhaferaj
Saimir Korreshi
Flamur Noka
Erisa Xhixho
Eralda Bano
Kasem Mahmutaj
/Tema
