Autoritetet ruse shpallën gjendje të jashtëzakonshme federale në rajonin Belgorod për shkak të luftimeve me trupat ukrainase në rajonin fqinj Kursk.
Vendimi u njoftua nga ministri rus i Situatave Emergjente, Aleksandr Kurenkov, në një mbledhje të qeverisë në Moskë.
"Unë propozoj që situata emergjente që ka lindur në rajonin e Belgorodit t'i atribuohet një emergjence federale dhe të vendoset një nivel federal i reagimit", tha ai.
Më herët, autoritetet ruse shpallën gjendjen e operacionit kundër terrorizmit në rajonet Belgorod, Bryansk dhe Kursk.
Pushtimi filloi natën e 5-6 gushtit, kur trupat ukrainase hynë në rajonin Kursk të Rusisë pranë qytetit Sudzha.
Më 12 gusht, Zelenskyy konfirmoi se inkursioni ishte një operacion ushtarak ukrainas, megjithëse ai nuk dha detaje mbi objektivat e tij.
Presidenti rus Vladimir Putin e dënoi inkursionin, duke e quajtur atë një "sulm terrorist".
Verifikimi i pavarur i pretendimeve nga të dyja palët është i vështirë për shkak të luftës së vazhdueshme./aa
