Ushtria izraelite njoftoi se trupat e 6 pengjeve izraelite që i ka gjetur në rajonin e Khan Yunis të Gazës janë sjellë në Izrael.
Në njoftimin e ushtrisë izraelite u bë e ditur se trupat e pajetë të pengjeve të sjellë nga Khan Yunis janë: Avraham Munder, Alexander Dancyg, Chaim Peri, Yagev Buchshtav, Yoram Metzger dhe Nadav Popplewel.
Sipas njoftimit, familjarët dhe të afërmit e pengjeve izraelite, trupat e të cilëve u sollën, janë informuar.
Kryeministri izraelit Benjamin Netanyahu, në deklaratën me shkrim shprehu ngushëllimet e tij për familjet e pengjeve izraelite.
- Ushtria izraelite konfirmoi se mund të ketë qëlluar "aksidentalisht" dy nga pengjet, trupat e të cilëve janë kthyer
Në deklaratën e saj më 22 korrik, ushtria izraelite konfirmoi se Alexander Dancyg dhe Yagev Buchshtab, të cilët ishin marrë peng nga Hamasi në sulmet e 7 tetorit, mund të jenë vrarë "aksidentalisht" gjatë sulmeve në Khan Younis disa muaj më parë.
Hamasi njoftoi më 10 mars se dy pengjet në fjalë vdiqën në përleshjet, por ushtria izraelite konfirmoi muaj më vonë se ata mund t'i kenë vrarë pengjet izraelite "aksidentalisht"./aa
