Mes luftës brutale të Izraelit në Gaza që nuk tregon shenja lehtësimi, TRT World do të publikojë një dokumentar investigativ novator, Holy Redemption (Shëlbimi i Shenjtë), më 24 gusht në kinemanë historike Atlas në lagjen Beyoglu të Istanbulit.
Filmi hedh dritë mbi një front të dytë të errët dhe kryesisht të heshtur të luftës, kolonët e paligjshëm sionistë që vjedhin tokën palestineze nën petkun e masakrës së Izraelit në Gaza, e cila ka vrarë 40.000 palestinezë, kryesisht gra dhe fëmijë, që nga 7 tetori i vitit të kaluar.
Në dhjetor të vitit të kaluar, dy muaj pas gjakderdhjes në Gaza, Njësia Hetuese e TRT World fitoi qasjen në një front të rëndësishëm por të anashkaluar: Bregun Perëndimor.
Krijuesit e Holy Redemption takuan aktivistë izraelitë, anëtarë të Knessetit dhe u infiltruan në grupet radikale të kolonëve izraelitë, duke përfshirë grupin famëkeqe të Hilltop Youth, të cilët janë të vendosur në poste të ndryshme, plotësisht të armatosur dhe të shtyrë nga një vizion i dhunshëm i ndërtimit të Izraelit të Madh.
Nëpërmjet një sërë intervistash dhe reportazhesh të thelluara, filmi zbulon mentalitetin kolonial të Izraelit dhe një agjendë të mirëkoordinuar midis aktorëve shtetërorë dhe bandave të armatosura hebreje. Këto grupe punojnë së bashku – secili duke kontribuar në një plan të errët, të keq për uzurpimin e tokave palestineze dhe zhvendosjen e banorëve të tyre.
Aktivistja amerikane e paqes Medea Benjamin e përshkroi filmin si një "shuplakë të ashpër në fytyrë" të pushtimit izraelit të Palestinës.
“Ai zbulon të vërtetën shqetësuese për bandat rinore fanatike, raciste, të armatosura, plaçkitëse izraelite që pushtojnë fshatrat, djegin shtëpitë, rrahin fermerët, shkatërrojnë mjetet e jetesës dhe krijojnë kaos për të dëbuar palestinezët nga toka e tyre. Dhe e gjithë kjo po ndodh sot, jo në vitin 1948”, tha Benjamin.
Në një rrëmbim toke të përmasave të paprecedenta, filmi zbulon disa modele shqetësuese – nga kolonët që ndihmohen nga rrugët dhe pikat e kontrollit të shtruara mirë deri te një infrastrukturë e stilit ushtarak, e krijuar për të konsoliduar kontrollin mbi territoret e pushtuara.
Në eventin premierë, TRT World do të organizojë një panel diskutimi pas shfaqjes së filmit.
Në të do të marrin pjesë gazetarë, aktivistë dhe akademikë të njohur nga e gjithë bota, duke përfshirë emra të shquar si profesori hebreo-britanik Ilan Pappe, mjeku kanadez dhe djali i të mbijetuarit të Holokaustit Gabor Mate, shkrimtari dhe aktivisti Aaron Mate, aktivisti dhe historiani australian Robert Martin, gazetari izraelit Gideon Levy, studiuesi palestinez Profesor Dr. Sami al-Arian, aktivistja amerikane Medea Benjamin, infermieri palestinezo-kanadez Ahmed Kouta, i cili ishte në Gaza gjatë konflikteve të fundit dhe aktivisti palestinez Issa Amro.
Këto personalitete do të diskutojnë dhe do të ndajnë njohuri kritike mbi përpjekjet okupuese të Izraelit dhe gjenocidin e vazhdueshëm kundër palestinezëve.
Gazetarët e TRT World i zhvilluan intervistat nën një rrezik të madh në dritën e mentalitetit agresiv të kolonëve, të cilët mund të bëheshin të dhunshëm sipas dëshirës.
Dokumentari kap sulmet terroriste, përpjekjet për djegien e fshatrave dhe sulmet pa dallim – një realitet i ashpër, çnjerëzor që Izraeli ka imponuar në qytetet dhe fshatrat e Bregut Perëndimor.
Panelet e diskutimit dhe premiera e filmit në Istanbul, e hapur për të gjithë anëtarët e shtypit, do të zhvillohen në kinemanë ikonike Atlas më 24 gusht në orën 15:00./TRT
