Shërbimi i Toksikologjisë në Qendrën Spitalore Universitare “Nënë Tereza”në Tiranë (QSUT) tashmë operon në ambiente të reja dhe moderne, duke ofruar kushte të përmirësuara për pacientët dhe personelin mjekësor.
Ministrja e Shëndetësisë dhe Mbrojtjes Sociale, Albana Koçiu, ndau në rrjete sociale momente nga ambientet e QSUT-së ku investimet në infrastrukturë, në teknologji bashkëkohore dhe burime njerëzore të kualifikuara kanë rritur cilësinë e shërbimit për qytetarët.
“Me infrastrukturën e re, ky spital ditor garanton trajtime të specializuara dhe të shpejta për të gjithë pacientët që përballen me urgjenca toksikologjike, duke shmangur hospitalizimin e panevojshëm”, u shpreh ministrja.
Koçiu theksoi se, ‘falë këtij investimi, qytetarët përfitojnë nga teknologjia e avancuar dhe kujdesi profesional në një ambient që garanton efikasitet dhe cilësi të lartë shërbimi”.
Ndërsa Andrin Tahiri, shef i Shërbimi të Toksikologjisë, në QSUT, u shpreh se,” tani me infrastrukturën bashkëkohore jemi gati të përballojmë të gjitha rastet që kanë nevojë për asistencë mjekësore, qoftë nga Urgjenca apo rastet ditore”./ata
