Samiti i Jashtëzakonshëm i Organizatës së Shteteve Turke ka filluar nën mikpritjen e presidentit të Türkiye-s, Recep Tayyip ErdoÄŸan.
Në samitin e organizuar në Kompleksin Presidencial në Ankara me temën "Menaxhimi i Fatkeqësive-Emergjencave dhe Ndihma Humanitare", marrin pjesë presidenti i Azerbajxhanit, Ilham Aliyev, presidenti i Kazakistanit, Kassym-Jomart Tokayev, presidenti i Kirgistanit, Sadyr Japarov, presidenti i Uzbekistanit, njëherësh kryesuesi i radhës, Shavkat Mirziyoyev si dhe përfaqësues të shteteve vëzhguese presidenti i Republikës Turke të Qipros Veriore, Ersin Tatar, kryeministri i Hungarisë, Viktor Orban dhe kryetari i Këshillit Popullor të Turkmenistanit, Gurbanguli Berdimuhamedov.
Presidenti ErdoÄŸan në zonën ku mbahet samiti erdhi së bashku me homolgun e tij kazak, Tokayev.
Liderët u pritën në hyrje nga kryediplomati turk, Mevlüt ÇavuÅŸoÄŸlu.
Në hapësirat ku po mbahet samiti, fillimisht liderët u përshëndetën me presidentin ErdoÄŸan ndërsa më pas kaluan në fotografinë familjare.
Gjithashtu në vendin e samitit ishin flamujt e 16 shteteve turke që janë formuar në histori dhe ushtarët e tyre.
Më pas liderët kaluan në mbledhjen e samitit të jashtëzakonshëm.
Samiti i cili po mbahet me propozimin e Azerbajxhanit për solidaritet me Türkiye-n e cila përjetoi tërmete të fuqishme, do të trajtojë çështjet lidhur me zhvillimin e bashkëpunimit në luftën kundër fatkeqësive dhe ndikimeve të tij.
Në samit gjithashtu do të shkëmbehen mendime lidhur me temat që janë në axhendën e përbashkët./AA
