Të paktën 11 palestinezë, duke përfshirë disa gra dhe fëmijë, u vranë sot në sulmet izraelite që synuan zonat në veri dhe jug të Rripit të Gazës.
Burime mjekësore thanë për Anadolu se dhjetë palestinezë u vranë dhe shumë të tjerë u plagosën në bombardimet izraelite që synuan një shtëpi në lagjen Al-Tuffah në lindje të Qytetit të Gazës.
Po ashtu, burimet mjekësore raportuan se një palestinez u vra dhe gjashtë të tjerë u plagosën në një bombardim izraelit ndaj një tende që strehonte persona të zhvendosur në zonën Al-Mawasi, në perëndim të Khan Younisit në jug të Rripit të Gazës.
Izraeli ka vazhduar ofensivën e tij brutale në Gaza që nga sulmi i Hamasit tetorin e kaluar, pavarësisht një rezolute të Këshillit të Sigurimit të OKB-së që kërkon një armëpushim të menjëhershëm.
Izraeli ka vazhduar ofensivën e tij brutale në Gaza që nga sulmi tetorin e kaluar nga grupi palestinez Hamas, pavarësisht nga një rezolutë e Këshillit të Sigurimit të OKB-së që kërkon armëpushim të menjëhershëm.
Më shumë se 41.100 njerëz, kryesisht gra dhe fëmijë, janë vrarë që atëherë dhe mbi 95.100 janë plagosur, sipas autoriteteve lokale shëndetësore.
Sulmet izraelite kanë zhvendosur pothuajse gjithë popullsinë e territorit, krahas një bllokade të vazhdueshme që ka çuar në mungesa të mëdha të ushqimit, ujit të pastër dhe ilaçeve.
Izraeli përballet me akuza për gjenocid për veprimet e tij në Gaza në Gjykatën Ndërkombëtare të Drejtësisë./aa
