Të paktën shtatë palestinezë u vranë dhe disa të tjerë u plagosën të enjten kur një avion luftarak izraelit goditi një shtëpi në Qytetin e Gazës.
Autoriteti i Mbrojtjes Civile tha se dy gra ishin në mesin e të vdekurve, me disa nga të plagosurit në gjendje kritike.
Dëshmitarët okularë thanë se sulmi ajror goditi një banesë në lagjen Al-Daraj që i përket familjes Sheikh, duke çuar në shkatërrimin e shtëpisë.
Izraeli ka vazhduar ofensivën brutale në Gaza pas një sulmi ndërkufitar nga grupi palestinez Hamas më 7 tetor të vitit të kaluar, pavarësisht nga një rezolutë e Këshillit të Sigurimit të OKB-së që bën thirrje për armëpushim të menjëhershëm.
Gati 41.300 palestinezë, kryesisht gra dhe fëmijë, janë vrarë që atëherë dhe më shumë se 95.500 janë plagosur, sipas autoriteteve lokale shëndetësore.
Sulmet izraelite kanë zhvendosur pothuajse gjithë popullsinë e territorit, mes një bllokade të vazhdueshme që ka çuar në mungesa të mëdha të ushqimit, ujit të pastër dhe ilaçeve.
Izraeli përballet me akuza për gjenocid në Gjykatën Ndërkombëtare të Drejtësisë (GJND) për veprimet e tij në Gaza./aa
