Salih Bajram Krasniqi dhe Feriz Krasniqi janë disa nga emrat e identifikuar në një fotografi. Aty shihen një grup i shqiptarëve që në vitin 1966 me plisa në kokë janë fotografuar, para Kullës Eiffel, në Paris.

Kjo fotografi është publikuar nga Dorjan Krasniqi, nipi i Salih Krasniqit, i cili ka treguar se kjo fotografi është shkrepur pasi gjyshi i tij me miq kanë fituar vendin e parë në botë për këndim në Langolen të Mbretërisë së bashkuar.

“Salih Bajram Krasniqi i njohur si Salih Bajrami( gjyshi im) dhe Feriz Krasniqi me shokët e tyre para kulles se Parisit. Kjo foto u be pasi ata fituan vendin e par ne bote për këndim ne 1966 ne Langolen te Mbretërisë se bashkuar dhe hapen koncerte në Europë”, ka shkruar ai në postimin e tij.

Kjo është foto domethënëse dhe për natyrën shqiptare që edhe pse e avancuar dhe me pretendime për tu shkëputur nga periudha e errët osmane nuk e harron traditën e tyre, përkundrazi e përdor si kundërpeshë ndaj osmanizmit identitetin e vet shqiptar. /Tema