Shqipëria mirëpret Turneun Ballkanik të Futbollit për të Amputuar

Federata Shqiptare e Futbollit në bashkëpunim me UEFA-n do të organizojë turneun ballkanik të futbollit të të amputuarve, njoftoi sot FSHF.

Ky organizim vjen në kuadër të strategjisë së përgjegjësisë sociale të Federatës së futbollit, që synon të sjellë futbollin më pranë komunitetit dhe të rrisë ndërgjegjësimin për kauza të rëndësishme sociale.

FSHF njofton se turneu do të zhvillohet në datat 16-18 tetor në “Shtëpinë e Futbollit”.

Në këtë turne do të marrin pjesë Shqipëria, Kosova dhe Turqia, të cilat do të përballen me njëra-tjetrën në ndeshje direkte me sistemin 9×9. Ekipi që do të grumbullojë më shumë pikë në fund të ndeshjeve do të shpallet kampion i turneut.

Balkan Region Amputee Tournament:

Shqipëri – Turqi 16.10.2024 11:30 Shtëpia e Futbollit

Turqi – Kosovë 17.10.2024 11:30 Shtëpia e Futbollit

Shqipëri – Kosovë 18.10.2024 10:00 Shtëpia e Futbollit

/ata