Danimarka përsëriti thirrjen e saj për një ndërhyrje ushtarake ndërkombëtare në Lindjen e Mesme për të imponuar një zgjidhje me dy shtete dhe për të thyer ngërçin e vazhdueshëm.
"Nuk ka asnjë zgjidhje në horizont për atë që ne shohim duke ndodhur atje dhe nuk ka asnjë kuptim t’i lëmë gjërat të vazhdojnë", citoi agjencia daneze e lajmeve Ritzau të ketë thënë kryeministrja Mette Frederiksen.
"Zgjidhja me dy shtete – një izraelit, një palestinez – mund të bëhet vetëm nëse komuniteti ndërkombëtar deklaron, në një moment, se tani duhet ta imponojmë atë me forcë", shtoi ajo.
Muajin e kaluar, në Samitin e OKB-së për të Ardhmen në New York, Frederiksen bëri thirrje gjithashtu për imponimin e zgjidhjes me dy shtete përmes mjeteve ushtarake.
Izraeli e ka vazhduar ofensivën e tij brutale në Rripin e Gazës pas një sulmi nga grupi palestinez Hamas më 7 tetor të vitit të kaluar, pavarësisht nga një rezolutë e Këshillit të Sigurimit të OKB-së që bën thirrje për armëpushim të menjëhershëm.
Mbi 41.600 njerëz janë vrarë që atëherë, kryesisht gra dhe fëmijë, dhe rreth 96.500 të tjerë janë plagosur, sipas autoriteteve lokale shëndetësore.
Izraeli përballet me akuza për gjenocid në Gjykatën Ndërkombëtare të Drejtësisë për veprimet e tij në Gaza./aa
