Një ekspozitë për të na risjellë në vëmendje, një nga perlat e natyrës shqiptare, sic është Kelmendi, u çel në Galerinë e Arteve në Shkodër.
Janë 55 piktura të artistit Gjelosh Mitaj të frymëzuara nga bukuria e bjeshkëve të Vermoshit, Lëpushës e Selcës. Piktori, besnik i natyrës me veprat e tij të kujton eposin e kreshnikeve.
Mitaj shquhet për stilin e tij të veçantë dhe detajet teksa pikturat e tij janë një promovim i mirëfilltë për një zonë me potenciale shumë të mëdha turistike.
Pjesë e ekspozitës janë edhe 15 portrete të figurave historike me origjinë nga Kelmendi i Malësisë së Madhe./TopChannel
