Liga e Kombeve ka mbyllur këtë të martë ndeshjet e katërta në grupe me tetë sfida në Ligat A dhe C. Kosova ka marrë tri pikët e treta radhazi duke mposhtur 3-0 në ‘Fadil Vokrri’ Qipron. Rekord nga Dardanët që nuk kishin marrë të tilla rezultate pas pranimit në UEFA.
Në Ligën A ka pasur duele interesante, ku Polonia dhe Kroacia barazuan 3-3 në një përballje spektakolare. Në Skoci, vendasit barazuan 0-0 kundër Portugalisë, me Ronaldon që luajti 90 minuta.
Në Cordoba, Spanja mboshti 3-0 Serbinë me golat e Laporte, Morata dhe Baena. Ndërkohë në St. Gallen Zvicra nuk shkoi më shumë se barazimi 2-2 kundër Danimarkës, për hapin e dytë fals radhazi.
Në Ligën C, Kosova siguroi tri pikë me vlerë që e mbajnë në vendin e dytë në grup. Me golat e Amir Rrahmanit, Ermal Krasniqit dhe Emir Sahitit (goli i parë me Dardanët), Kosova mposhti 3-0 Qipron.
Tri pikë edhe për Rumaninë në udhëtim, ndërsa Irlanda e Veriut turpëroi 5-0 Bullgarinë.
Liga e Kombeve
Liga A
Poloni 3-3 Kroaci
Skoci 0-0 Portugali
Spanjë 3-0 Serbi
Zvicër 2-2 Danimarkë
Liga C
Bjellorusi 1-1 Luksemburg
Kosova 3-0 Qipro
Lituani 1-2 Rumani
Irlanda e Veriut 5-0 Bullgari
/Shqiptarja
