Mallorca ishte destinacioni i preferuar nga turistët e huaj në vitin 2023, sipas të dhënave të reja të publikuara nga Eurostat që konsiderojnë numrin e netëve që turistët kalojnë në vend.
Ishulli Balearik spanjoll kryeson listën e destinacioneve të BE-së me mbi 47 milionë netë.
Vendi i dytë dhe i tretë mund të gjenden sërish në Spanjë, si Tenerife dhe Barcelona, e ndjekur nga Venecia, Parisi dhe Roma.
Ishujt Kanarie, një arkipelag spanjoll në Oqeanin Atlantik, përballë bregdetit maroken, është zona gjeografike më e njohur, me tre destinacione në 20 më të mirat Tenerife, Gran Canaria dhe Lanzarote, dhe gjithsej 83.2 milionë netë të kaluara.
Por edhe Ishujt Kanarie janë një nga zonat që përballet me presionin më të lartë nga turizmi në krahasim me numrin e banorëve.
Ndër të gjitha vendet e BE-së, Greqia po vuan presionin më të lartë nga turizmi, me gjashtë nga dhjetë vende në listën e vendeve më të mbipopulluara.
Parisi kryeson për sa i përket presionit për kilometër katror, i ndjekur nga Athina, Kopenhagen dhe Mynihu./Scan
