Të paktën 34 mjete ajrore pa pilot të Ukrainës që fluturonin drejt kryeqytetit të Rusisë Moskë herët në mëngjes janë rrëzuar, pohoi sot Ministria ruse e Mbrojtjes.
Në një deklaratë të ministrisë thuhet se mbrojtja ajrore e vendit rrëzoi 70 dronë ukrainas midis orës 7:00 të mëngjesit dhe 10:00 të mëngjesit me orën lokale në gjashtë rajone të ndryshme, nga të cilat 34 janë interceptuar mbi kryeqytet.
Më herët, kryebashkiaku i Moskës Sergey Sobyanin tha në një deklaratë në Telegram se 32 dronë që fluturonin drejt kryeqytetit rus u rrëzuan mbi zonat Domodedovsky, Ramensky dhe Kolomensky të rajonit të Moskës.
Nuk ka dëme apo viktima në vendin e rënies së mbeturinave, tha Sobyanin, duke shtuar se shërbimet e urgjencës po punojnë në vendngjarje.
Agjencia Federale Ruse e Transportit Ajror (Rosaviatsia) hoqi kufizimet e përkohshme të vendosura më parë në aeroportet Domodedovo, Sheremetyevo dhe Zhukovsky të Moskës./aa
