Mbledhjet maratonë të Partisë Demokratike zyrtare nuk prodhuan listën përfundimtare për vendoret 2023.
Mbledhja e Kryesisë është mbyllur në orën 1.30 pas mesnate dhe pas shumë debatesh për kandidaturat, u ra dakord që degët e partisë të sjellin propozimet e tyre sot dhe lista finale të kalojë në Kryesi, e cila mblidhet në orën 18.00.
Për Tiranën, dy emrat e Kryesisë janë Jonila Godole dhe Roland Bejko, por pritet për t’u parë nëse do kenë mbështetje e degëve, krerët e të cilëve dje kanë kërkuar emra politik, pra që kryebashkiakët të vijnë nga radhët e deputetëve.
