Një 26 vjeçar është arrestuar pasi akuzohet për vjedhje në 3 raste të ndryshme në Durrës. Bëhet fjalë për vjedhje me dhunë të sendeve personale të 3 personave të ndryshëm, më konkretisht të një varëseje floriri, një unaze dhe një celulari.
Ngjarja ka ndodhur 5 ditë më parë, teksa në pranga ka rënë M. H. banues në Durrës.
“Lokalizohet, kapet dhe vihet në pranga 26-vjeçari i shpallur në kërkim në kuadër të këtij operacioni, si bashkautor i dyshuar i disa vjedhjeve me dhunë.
Si rezultat i operacionit “Seriali”, të zhvilluar 5 ditë më parë, u zbardhën 3 vjedhje me dhunë të sendeve personale, si dhe u kap në flagrancë bashkëpunëtori i 26-vjeçarit.
Shërbimet e Komisariatit të Policisë Durrës, si rezultat i veprimeve të shpejta operacionale, të kryera në vijim të operacionit policor të koduar “Seriali”, operacion i cili zbardhi 3 raste të vjedhjeve me dhunë, të kryera gjatë këtij muaji, kapën dhe ndaluan shtetasin e shpallur në kërkim:
- M. H., 26 vjeç, banues në Durrës.
Nga veprimet hetimore, dyshohet se 26-vjeçari dhe shtetasi P. C. (i arrestuar më datë 06.05.2023, gjatë këtij operacioni) janë bashkautorë të vjedhjeve me dhunë të një varëse floriri, një unaze dhe një celulari, në pronësi të 3 shtetasve të ndryshëm”, thuhet në njoftimin e policisë.
