Presidenti i Türkiye-s, Recep Tayyip Erdoğan, uroi popullin e Azerbajxhanit për 105-vjetorin e Ditës së Pavarësisë së vendit.
"Uroj Ditën e Pavarësisë së kombit-vëlla, Azerbajxhanit, me të cilin jemi gjithmonë pranë njëri-tjetrit, krah për krah, nën moton 'një komb, dy shtete' dhe i përkujtoj me respekt dhe mëshirë heronjtë tanë që u bënë dëshmorë në emër të pavarësisë", u shpreh presidenti Erdoğan në një postim në Twitter, duke shpërndarë gjithashtu flamujt e Türkiye-s dhe Azerbajxhanit.
Më 28 maj 1918, Këshilli Kombëtar i Azerbajxhanit shpalli Republikën Demokratike të pavarur të Azerbajxhanit, e njohur gjithashtu si Republika Popullore e Azerbajxhanit.
Në një takim historik të mbajtur atë ditë në kryeqytetin e tanishëm të Gjeorgjisë, Tbilisi, u miratua Deklarata e Pavarësisë së Azerbajxhanit me gjashtë nene, duke e bërë Azerbajxhanin republikën e parë parlamentare ndër vendet me shumicë muslimane.
Deri në vitin 2021, ajo festohej si Dita e Republikës ndërsa në tetor të vitit 2021, kjo festë u riemërua si Dita e Pavarësisë./AA
