Kryeministri, Edi Rama, në Forumin e Sigurisë në Bratislavë është pyetur për situatën e tensionuar në veri të Kosovës.
Rama theksoi se ushtria serbe në kufi të Kosovës e ka fuqinë të barabartë me 0.
Sipas Ramës, gatishmëria ushtarake e Serbisë në kufirin me Kosovën, është njësoj sikur Meksika të çojë ushtrinë në kufijtë me Shtetet e Bashkuara të Amerikës.
Pyetje: Mendoj se është pak e fortë, por pyetje e mirë sepse përmend tensionet aktuale në Kosovë. Cilat janë pritshmëritë tuaja?
Edi Rama: Jo jo po përqendrohesha te ajo që shkruhej “ushtria serbe në kufi”. Kjo është shfaqja më e pabesueshme e politikës së brendshme sepse ushtria serbe në kufi të Kosovës ka një fuqi të barabartë me 0! Është njësoj si ushtria meksikane të shfaqej në kufi me Shtetet e Bashkuara të Amerikës, çfarë do të bëhej?! Me gjithë respektin e mundshëm sepse e dua Meksikën! Po çfarë mund të bëjë? Asgjë, absolutisht asgjë. Ka të bëjë vetëm me politikën e brendshme. Bini dakord zoti Kovaçevski me këtë qëndrim?
Kovaçevski: Gjej ndonjë vend tjetër, jo Meksikën! (Të qeshura) Është njësoj si ushtria kubane të shkojë në Florida. Dalja e vetme nga kjo situatë është zbatimi i marrëveshjes mes shteteve në mënyrë që të ketë normalizim.
