Ekspertët kanë realizuar një studim afatgjatë me rreth 500 mijë persona, mbi lidhjen e kohëzgjatjes së gjumit dhe përdorimit të pilulave të gjumit dhe me vdekshmërinë.
Vëzhgimi i publikuar në “Sleep Health” ka treguar disa rezultate mjaft të habitshme, me 8.9% të pjesëmarrësve që morën pilula gjumi në fillim të studimit të cilët vdiqën gjatë periudhës së ndjekjes (rreth 10 vjet), krahasuar me 3.4% me ata që nuk merrnin pilula.
Përdoruesit e ilaçeve të gjumit mund të jetojnë 5 vjet më pak dhe kanë një risk vdekshmërie më të lartë. Konkretisht ata kanë një risk vdekshmërie 55% më të lartë në krahasim më ata që nuk i përdorin.
Kërkuesit kryen analiza të rregulluara (duke përshtatur moshën, gjininë, historinë mjekësore etj.), dhe gjithmonë e më shumë janë të bindur se ka një rritje të vdekshmërisë tek ata që marrin pilula gjumi…Është e vështirë të jepet një numër i përgjithshëm, pasi ata nuk kanë kryer një analizë globale duke krahasuar të gjithë “marrësit e pilulave të gjumit” me “ata që nuk kanë marrë”.
Dyfishimi i rasteve të vdekshmërisë rezultoi më i lartë nga krahasimi i atyre që merrnin pilula dhe flinin mbi 8 orë, me ata që nuk merrnin pilula dhe flinin 6-8 orë. Rezultoi se 3.5% e pjesëmarrësve vdiqën gjatë studimit dhe të dhënat e tyre nuk u morën deri në fund.
