Statistikat e bilancit të pagesave të Bankës së Shqipërisë bëjnë të ditur se investimet e huaja direkte (IHD) në pasuri të paluajtshme shënuan vlerën 49 milionë euro, në tremujorin e parë të këtij viti.
Sipas BSH-së, investimet në pasuri të paluajtshme zunë gati 16% të totalit, duke u renditur të tretat pas industrisë nxjerrëse dhe aktiviteteve financiare
Në tre muajt e parë të 2023-t, industria nxjerrëse solli fluksin më të lartë të IHD-ve, me 22% të totalit, duke u rritur me 28% me bazë vjetore.
Ndërsa aktivitetet financiare sollën 58 milionë euro investime të huaja, me dyfishim në të njëjtën periudhë të një viti më parë.
Këtu përfshihen investimet e bankave, që kryesisht janë shtim i kapitalit në përputhje me kërkesat rregullatore të Bankës së Shqipërisë.
Fluksi i Investimetë Huaja Direkte (IHD-ve) në tremujorin e parë të këtij viti shënoi 308 milionë euro, sipas të dhënave të publikuara nga Banka e Shqipërisë./ATSH
