Presidenti i Türkiyes Recep Tayyip ErdoÄŸan dhe kryeministri i Greqisë Kyriakos Mitsotakis u takuan në margjinat e Samitit të NATO-s në Vilnius të Lituanisë, në prani të ministrave të jashtëm të të dyja vendeve.
Drejtoria e Komunikimeve e Türkiyes njoftoi se takimi është zhvilluar në një atmosferë të mirë, dhe se dy liderët u pajtuan se vazhdimësia e klimës pozitive në marrëdhëniet bilaterale në muajt e fundit është në dobi të të dyja vendeve.
“Për këtë qëllim, të dyja palët ranë dakord të ndërtojnë momentin pozitiv dhe të aktivizojnë kanale të shumta komunikimi mes dy vendeve në periudhën e ardhshme. Ata ranë dakord për të mbajtur takimin e radhës të Këshillit të Bashkëpunimit të Nivelit të Lartë në Selanik në vjeshtë. Përveç kësaj, ata caktuan dy Ministrat e Jashtëm të drejtojnë procesin dhe të raportojnë për progresin”, thuhet në komunikatën e Drejtorisë së Komunikimeve të Türkiyes.
Komunikohet gjithashtu se dy liderët theksuan se presin kontakte më të shpeshta në të gjitha nivelet, drejt ndërtimit të një klime besimi dhe kushteve që do të çojnë në përmirësimin e marrëdhënieve Türkiye-Greqi.
