Kryetari i Prizrenit, Shaqir Totaj është kërcënuar mbrëmë nga dy persona.
Lajmin për KosovaPress e ka konfirmuar zëdhënësi i Policisë për rajonin e Prizrenit, Shaqir Bytyqi, i cili ka informuar se të dyshuarit janë ndalur për 48 orë.
Sipas Bytyqit, dyshohet se rasti ka ndodhur për një pronë-shtëpi, që pengon rrugën në tranzit.
“Dje me date 24.01.23 , në Sektorin Rajonal të Hetimeve në Prizren, kryetari i Komunës së Prizrenit ka raportuar se rreth orës 20:00 është kanos nga një i dyshuar, i dyshuari i pare ka përcjellë mesazhin nëpërmes të dyshuarit të dytë, të djali i ankuesit. Ankuesi është Kanos nga i dyshuar pasi që ai është i pakënaqur me vlerësimin e pronës së tij nga komuna. Fjala është për një pronë-shtëpi e cila ka disa vite që pengon përfundimin e rrugës “tranziti i ri” në Prizren”, ka bërë të ditur Bytyqi.
Të dyshuarit janë intervistuar dhe me urdhër të prokurorit kujdestar janë ndalur në ndalim policor për 48 orë. /KosovaPress/
