Futbolli ka momente nervash dhe një të tilli nuk i ka shpëtuar sulmuesi i Sporting Kansas në Amerikë, Alan Pulido.
Ky i fundit në minutën e 30-të të ndeshjes ndaj Cincinnati e vlefshme për Kupën e Ligës, goditi me kokë mbrojtësin kundërshtar Qerson Mosquera.
Goditja ishte mjaft e fortë dhe kjo shkaktoi reagimin e lojtarëve të Cincinnati, ndërsa nga ana tjetër arbitri nuk mund ta falte Pulidon duke i treguar menjëherë kartonin e kuq. Por, përveç ndëshkimit me karton të kuq, sulmuesi rrezikon edhe një pezullim pasi bëhet fjalë për një akt të rëndë dhe mbi të gjitha antisportiv, edhe pse në fund kërkoi falje për gjestin e shëmtuar.
