Një këmbësor është përplasur nga një furgon pranë fshatit Leminot të Maliqit në aksin Korçë-Pogradec mbrëmjen e sotme.
Sipas informacioneve zyrtare, mësohet se këmbësori me iniciale Th.K. rreth 58 vjeç ka mbetur i plagosur. Ai është dërguar në Spitalin e Korçës për ndihmë mjekësore.
Ndërkohë, policia po kryen veprimet e mëtejshme proceduriale me drejtuesin e furgonit.
Grupi hetimor po punon për sqarimin e rrethanave të aksidentit.
