Natalie Portman po përgatitet të bëjë kërkesë për divorc nga Benjamin Milipent.
Lajmi vjen pasi burri i aktores u largua dhe u akuzua se e tradhtoi me një aktiviste të klimës, 21 vjet më e re se Milipentit, sipas burimeve të brendshme.
Aktorja 42-vjeçare u duk se konfirmoi fundin e martesës së saj 11-vjeçare me koreografin 46-vjeçar këtë javë gjatë një interviste për revistën WSJ, në të cilën ajo nuk e përmendi atë, duke zbuluar se jeton në Paris me dy fëmijët e tyre.
Disa ditë me pare ajo mori pjesë e vetme në Golden Globes dhe u fotografua sërish pa unazën e saj të martesës.
Aktorja thuhet se ka marrë kohë për të pare situaten dhe po përpiqet të gjejë mënyrën më të mirë për të menaxhuar divorcin për fëmijët e tyre Alef, 12, dhe Amalia, 6, përpara se të dorëzojë zyrtarisht kërkesen.
“Megjithatë, ata janë të ndare dhe ajo jeton në Paris, ndërsa Benjamin vazhdon të punojë në SHBA, por ata kuptojnë se çfarë është më e mira për fëmijët e tyre, sepse të dy i duan shumë dhe janë prindër të shkëlqyer ”, tha burimi.
Gjithashtu, burimi shtoi: Natalie kishte nevojë për kohë dhe ata përreth saj e dinë se çfarë gruaje e fortë është dhe sa e përkushtuar është për kauzat e saj, përfshirë fuqizimin e grave. Asnjë grua nuk duhet të durojë një burrë tradhtar”, kishte thënë aktorja më parë.
Martesa e çiftit u trondit nga akuzat për pabesi vitin e kaluar kur agjencia franceze e lajmeve Voici publikoi një raport shpërthyes duke pretenduar se Milipent kishte një lidhje me aktivisten 25-vjeçare të klimës Camille Etienne.
Revista People raportoi në atë kohë se romanca me Camille ishte ” shkurtër ” – dhe se Benjamin “bëri gjithçka që mundi” për të bindur ” Natalie që ta falte atë dhe të mbante familjen e tyre të bashkuar”.
“Ai e di se ka bërë një gabim të madh dhe po bën gjithçka që mundet që Natalie ta falë atë dhe të mbajë familjen e tyre të bashkuar. Natalie është tepër e mbyllur dhe nuk ka ndërmend ta luajë këtë në media. Prioriteti i saj më i lartë është mbrojtja e fëmijëve dhe privatësisë së tyre”, tha burimi për revistën.
Megjithatë, në fillim të gushtit, një burim i tha Us Weekly se çifti po ndahet pasi dështoi të riparonte marrëdhënien e tyre mes akuzave për pabesi.
“Që kur u publikua lajmi për lidhjen e tij, ata janë përpjekur të punojnë për martesën e tyre, por aktualisht janë të ndarë”, tha burimi në atë kohë.
Megjithatë, dikush i afërt me Portman tha për DailyMail.com disa ditë më vonë se raportet për përfundimin e martesës së tyre ishin vetëm ” thashetheme ” dhe “spekulime” dhe se nuk ishte marrë asnjë vendim përfundimtar.
Në veçanti, ata kishin thënë se aktorja “nuk e di ende ” nëse dëshiron të divorcohet, pavarësisht thashethemeve për pabesinë e tij që e bëjnë atë të ndjehet “e dobët”.
