Ministri i Jashtëm pakistanez, Jalil Abbas Jilani, foli në telefon me ministrin e Jashtëm iranian, Hossein Amir-Abdollahian, pas tensionit në rritje midis Islamabadit dhe Teheranit.
Sipas deklaratës së bërë në "X" nga Ministrisë e Punëve të Jashtme të Pakistanit, ministri Jilani në bisedën e tij telefonike me homologun iranian Abdullahiyan nënvizoi nevojën për bashkëpunim më të ngushtë për çështjet e sigurisë mes dy vendeve.
Jilani theksoi se Pakistani është i gatshëm të punojë me Iranin për të gjitha çështjet bazuar në frymën e besimit dhe bashkëpunimit të ndërsjellë.
Tensionet midis Iranit dhe Pakistanit
Agjencia gjysmëzyrtare e lajmeve iraniane Tasnim njoftoi më 16 janar se kampet e organizatës Jaishul Adl në Pakistan ishin shënjestruar me raketa dhe mjete ajrore pa pilot.
Ministria e Punëve të Jashtme të Pakistanit njoftoi se Irani kreu një sulm ajror në rajonin Panjgur të provincës Balochistan në kufi më 16 janar, duke vrarë 2 fëmijë dhe duke plagosur 3 vajza.
Ndërsa qeveria e Islamabadit vendosi të tërheqë ambasadorin në Teheran më 17 janar, ajo gjithashtu informoi Teheranin se ambasadori iranian në Islamabad, i cili ishte në vendin e tij me qëllim të vizitës, mund të mos kthehet për një kohë.
Pakistani dje sulmoi me raketa një fshat në rajonin kufitar të Iranit.
Qeveria e Teheranit njoftoi se 9 persona, duke përfshirë 3 gra dhe 4 fëmijë, vdiqën në sulmin me raketa të Pakistanit.
Ministria e Punëve të Jashtme e Pakistanit, nga ana tjetër, njoftoi se një seri sulmesh ushtarake me saktësi të lartë të koordinuara u kryen kundër "pikave të fshehta të terroristëve" në provincën Sistan-Baluchistan të Iranit dhe se shumë "terroristë" u vranë gjatë operacioni i bazuar në inteligjencë./aa
