Komanda e Forcave Ajrore të Ukrainës njoftoi se Rusia sulmoi territorin ukrainas gjatë natës me gjithsej 26 raketa, përfshirë raketat balistike Iskander-M.
Në deklaratën me shkrim të Komandës së Forcave Ajrore të Ukrainës thuhet se Rusia ka sulmuar sonte me raketa territorin ukrainas dhe se raketat janë lëshuar nga ajri, deti dhe toka.
Shefi i Administratës Ushtarake të qytetit të Kievit, Sergey Popko, në postimin e tij në llogarinë e administratës në rrjetet sociale deklaroi se Rusia lëshoi lloje të ndryshme raketash në Kiev dhe se alarmi i sulmit ajror zgjati për më shumë se 2 orë.
Duke deklaruar se të gjitha raketat ruse që synuan Kievin u shkatërruan nga sistemet e mbrojtjes ajrore, Popko tha se nuk pati humbje jetësh apo dëme në sulm.
Nga ana tjetër, Ivan Fedorov, shefi i Administratës Ushtarake të rajonit Zaporizhzhia, në postimin e tij në llogarinë e tij në rrjetet sociale deklaroi se Rusia kreu sulm intensiv me raketa në rajonin e Zaporizhzhia.
Fedorov njoftoi se një person u plagos në sulm, i cili goditi infrastrukturën e qytetit.
Kryetari i bashkisë së Lvivit, Andriy Sadoviy, në deklaratën e tij në llogarinë e tij në rrjetet sociale, tha se më shumë se 10 raketa u hodhën në rajon në sulmin e kryer nga Rusia dhe se raketat u shkatërruan nga sistemet e mbrojtjes ajrore, por njëra prej tyre goditi infrastrukturën e qytetit.
Ai tha se si pasojë e valës së shpërthimit, xhamat e disa shtëpive u thyen, ndërtesa e shkollës u dëmtua dhe shërbimet e urgjencës po punonin në vendngjarje. Ndërkaq, shefi i Administratës Ushtarake të Rajonit Lviv, Maksim Kozitskiy tha se të paktën 3 persona u plagosën si rezultat i sulmit.
Shefi i Administratës Ushtarake të Rajonit Dniptopetrovsk, Sergiy Lisa në llogarinë e tij në rrjetet sociale njoftoi se nuk ka patur humbje jetësh apo dëme në sulmin e Rusisë ndaj infrastrukturës civile të rajonit./aa
