Mijëra të burgosur u arratisën nga një burg në Haiti të dielën pasi bandat e armatosura sulmuan burgun.
Anëtarët e bandës sulmuan burgun "Croix des Bouquets" në kryeqytetin Port-au-Prince, duke çuar në përleshje me forcat e sigurisë.
Gjatë konfliktit, 3.600 të burgosur u arratisën ndërsa 12 u vranë.
Qeveria e Haitit doli me një deklaratë duke thënë se organizatat kriminale sulmuan burgun në orët e para të mëngjesit dhe si rezultat i rezistencës së policisë, personat e armatosur u larguan nga zona.
Raportohet se në burg ishin 17 shtetas kolumbianë ndërsa qeveria kolumbiane është në kontakt me autoritetet haitiane.
Sipas mediave lokale, përveç vrasjes së 4 oficerëve të policisë në sulmet e tre ditëve të fundit, u plagosën edhe dhjetëra persona.
Mijëra njerëz janë ngritur prej disa kohësh në protesta, duke kërkuar dorëheqjen e kryeministrit Ariel Henry dhe janë përplasur shpesh me policinë./aa