Presidenti ukrainas Volodymyr Zelenskyy ka thënë se vendi i tij ka rrëzuar gjithsej 15 avionë ushtarakë rusë që nga fillimi i muajit të kaluar.
"Vetëm këtë javë, ne arritëm të rrëzonim shtatë avionë ushtarakë rusë. Që nga fillimi i shkurtit, Rusia ka humbur 15 avionë ushtarakë. Kjo është dinamika e humbjeve të tyre", tha Zelenskyy në një video fjalim të dielën vonë.
Sa më shumë aftësi të ketë Kievi për të rrëzuar avionët ushtarakë rusë, aq më shumë jetë ukrainase do të shpëtojnë duke shkatërruar logjistikën e Moskës në rajonet që ajo kontrollon, shtoi ai.
Duke shprehur se ata janë të aftë të ofrojnë këto aftësi dhe se partnerët e Ukrainës i dinë nevojat e Kievit, Zelenskyy tha se çelësi në këtë drejtim është "vullneti politik për të zbatuar gjithçka".
"Nëse kjo nuk ndodh, do të bëhet një nga faqet më të turpshme në histori. Të këqijat ruse nuk duhet të inkurajohen me vendime të dobëta, vonesa të dërgesave apo hezitimi", vuri në dukje ai.
Ai tha gjithashtu se ushtria e Ukrainës po qëndron "kundër sulmeve" dhe po mbron pozicionet e saj pavarësisht mungesës së konsiderueshme të artilerisë.
"Ne jemi në pritje të furnizimeve jetike, në pritje të një vendimi amerikan. Mbështetja është jashtëzakonisht e nevojshme", tha Zelenskyy, duke shtuar: "Ne duhet të gjejmë më në fund një zgjidhje për situatën në kufirin polak, i cili ka shkuar përtej ekonomisë dhe moralit shumë kohë më parë"./aa
