Brigadat Izzeddin Kassam, krahu i armatosur i Hamasit njoftoi se në Rripin e Gazës kanë goditur automjetet ushtarake që i përkisnin ushtrisë izraelite dhe se kanë shpërthyer një shtëpi në të cilën ndodheshin ushtarët izraelitë.
Në një deklaratë nga llogaria Telegram e Brigadave Kassam, informohet lidhur me zhvillimet ushtarake të përjetuara në lagjen Tel Al-Hawa në jug të qytetit të Gazës dhe në rajonin Al-Qarara në veri të Khan Younis.
Në deklaratë theksohet se me raketën "Yasin-105" u shënjestruan 1 buldozer dhe 3 tanke Merkava të ushtrisë izraelite 2 prej të cilëve në Tel Al-Hawa dhe një në Al-Qarara.
"Një shtëpi në rajonin Al-Qarara ku ndodheshin ushtarët izraelitë u shpërthye me bombë dhe se ushtarët brenda saj u vranë dhe u plagosën", thuhet më tej.
Sipas deklaratës, një helikopter i ushtrisë izraelite zbriti në rajon për të marrë ushtarët e vrarë dhe të plagosur në shtëpinë që u shpërthye.
Ushtria izraelite në një deklaratë më parë njoftoi se në 24 orët e fundit në Gaza u plagosën 8 ushtarë të saj./aa
