ITALI- E rrallë në Venecia të Italisë. Qyteti i të ‘dashuruarve’ me kanalet, urat dhe varkat e ujit, po thahet pas thatësirës së tejzgjatur. Qyteti është zakonisht më i shqetësuar për përmbytjet, por kjo thatësirë ka ngjallur frikë se ambulancat dhe varkat e ujit nuk do të lëvizin dot. Janë prekur edhe udhëtimet tradicionale me gondola.
Për problemet në Venecia fajësohen jo vetëm mungesa e reshjeve, por edhe sistemi i motit me presion të lartë, hëna e plotë dhe rrymat detare. Kjo vjen pasi shkencëtarët thonë se vargmalet malore të Alpeve kanë pasur më pak se gjysmën e reshjeve të zakonshme të borës, duke shkaktuar probleme në vendpushimet e skive nëpër vende malore.
Niveli i ujit në liqenin Garda në veri të Italisë ka arritur në nivele rekord. Lumi Po në veri të vendit gjithashtu ka 61% më pak ujë se sa ka zakonisht në këtë periudhë të vitit.
