Arben Skënderi dhe bashkëshortja e tij Denata Toçe të ftuar në emisionin “Se luan topi” në Top Channel rrëfyen historinë e tyre të dashurisë dhe treguan pak nga jeta e tyre personale.
Denada vendosi t’i bëjë një shaka bashkëshortit të saj duke i thënë se është shtatzënë. Arbeni nga ky lajm mbeti i shtangur ndërsa derdhi edhe lot.
Denada: Unë e di që ti ke pritur shumë kohë që të keshë një vajzë, po të të them që unë jam shtatzënë?
Arbeni: Fantastike, një në dy është ajo, një shans është ta kem një gocë, ku i dihet.
Denada: Domethënë je gati ti?
Arbeni: Po jam gati.
“Je okay domethënë, je i lumtur”, e pyet moderatoria ndërsa Arbeni dukej paksa i hutuar.
“Totalisht”, përgjigjet ai.
“E mora vesh sot, jam shtatzënë!”, ishte kjo fjalia e Denadës që e bëri Arbenin të qaj.
Denada duke i kërkuar falje i tregoi të vërtetën duke thënë se ishte një shaka në bashkëpunim me produksionin.
“Është një ndër gjërat që ai ka merak. Nuk është vajza në vetvete. Beni i adhuron kalamajtë. Ne po të kishim pasur mundësi, ma kujton përherë atë dyvjeçarin: ‘Më ke humbur dy vite kohë’. Ato dy vite kohë do kishim pasur një vogëlush më tepër. Pak rëndësi ka është djalë apo vajzë, Beni është shumë i lidhur me kalamajtë”, tregon Denada për bashkëshortin e saj.
“Thjesht kaloj kohë me ta dhe është një ndër investimet më të bukura që bën çdokush”, shprehet Arbeni.
