Numri i viktimave nga përmbytjet e shkaktuara si pasojë e shirave të dendur në Brazil është rritur në 84 ndërsa numri i të zhdukurve në 111.
Humbjet e jetëve dhe pronave janë në rritje për shkak të përmbytjeve që kanë ndodhur pas reshjeve të shiut që kanë qenë efektive që nga java e kaluar në shtetin Rio Grande do Sul në jug të vendit.
Në deklaratën e Mbrojtjes Civile të shtetit thuhet se numri i viktimave është rritur në 84 ndërsa numri i të zhdukurve në 111.
Në deklaratë thuhet se në operacionet e kërkim-shpëtimit kanë punuar 14.500 anëtarë të personelit, të mbështetur nga forcat e armatosura dhe se 25 persona janë shpëtuar nga zonat e fatkeqësisë me ndihmën e 30 avionëve dhe 182 varkave.
Ndërsa mbi 840 mijë njerëz u prekën negativisht nga përmbytjet dhe dëmet materiale, rreth 122 mijë njerëz u detyruan të largohen nga banesat e tyre.
Sipas mediave lokale, më shumë se një milion njerëz kanë vështirësi serioze për të siguruar nevojat bazë dhe shërbimet e energjisë elektrike dhe të internetit në 98 qytete./aa
