Administrata amerikane tha se sulmi i Izraelit ndaj kampit të palestinezëve të zhvendosur me forcë në qytetin Rafah në jug të Gazës nuk e ka kaluar "vijën e kuqe" të përcaktuar nga presidenti amerikan, Joe Biden dy muaj më parë.
Sipas lajmit të "Politico"-s, një zyrtar i lartë amerikan i cili nuk deshi të identifikohet komentoi sulmin e fundit të Izraelit në kampin e tendës në Rafah dhe reagimin e administratës amerikane.
Zyrtari tha se administrata e Washingtonit beson se sulmi, në të cilin dhjetëra civilë palestinezë u vranë dhe u plagosën, "nuk e kaloi vijën e kuqe" që Biden e njoftoi për herë të parë më 9 mars.
- "(Rafah) Një operacion ushtarak ndryshe"
Zëdhënësi i Departamentit amerikan të Shtetit, Matthew Miller tha: "Kur dëgjuam për incidentin, ne iu drejtuam menjëherë qeverisë izraelite për të shprehur shqetësimin tonë të thellë për incidentin dhe i inkurajuam ata të kryenin një hetim të plotë".
Duke argumentuar se sulmet në Rafah deri më tani nuk kanë qenë "në përmasat e atyre në Gaza dhe Khan Younis", Miller tha: "(Rafah) është një operacion ushtarak ndryshe deri më tani".
- Shtëpia e Bardhë: Sulmi i Izraelit në Rafah nuk e kaloi "vijën e kuqe"
Këshilltari i Komunikimit për Sigurinë Kombëtare të Shtëpisë së Bardhë, John Kirby iu përgjigj pyetjeve nëse linja e kuqe e Bidenit i cili tha se 'nëse Izraeli hyn në Rafah, ne mund të ndalojmë ndihmën e armëve' ishte kapërcyer ai tha se "Sulmi i fundit ajror i Izraelit nuk e kaloi 'vijën e kuqe' të SHBA-së dhe pretendoi se nuk ishte sulm gjithëpërfshirës në zonat e populluara".
"Ne ende nuk mendojmë se ka operacion gjithëpërfshirës tokësor në Rafah. Ne nuk duam të shohim Izraelin të shtypë Rafahun me trupa të mëdha. Ne ende besojmë në këtë dhe nuk jemi në atë pikë", tha Kirby./aa
