Trajneri i njohur Jose Mourinho takoi të dielën tifozët e ekipit të tij të ri, skuadrës së Superligës turke Fenerbahçe.
Trajneri portugez nënshkroi kontratën zyrtare me kanarinët e verdhë para tifozëve në stadiumin Ülker, me presidentin e klubit Ali Koç dhe më pas nënshkroi një fanellë të Fenerbahçes me disa tifozë të përzgjedhur nga turma.
Koç e përshkroi Mourinhon si një legjendë e gjallë, një nga pesë trajnerët më të mirë të gjallë dhe tha se ata vendosën qëllimin e tyre të parë për të fituar kampionatin e Superligës.
Ai shtoi se ata nuk duan të prishin skuadrën aktuale nëse nuk ka një ofertë të jashtëzakonshme transferimi dhe se synojnë të shtojnë lojtarë të rinj.
Mourinho e filloi fjalën e tij pasi ndaloi disa herë në befasi nga intensiteti i brohoritjeve të tifozëve, duke thënë: "Së pari dua t'ju falënderoj të gjithëve për dashurinë tuaj. E kam ndjerë atë që nga hera e parë që u lidh emri im me Fenerbahçen”.
Ai shtoi se dashuria e tifozëve për trajnerët normalisht vjen me arritje por "ky vlerësim i madh" në fillim i jep një përgjegjësi të madhe.
Mourinho vuri në dukje se që kur u takua me Koç, ai donte të ishte trajneri i Fenerbahçes, sepse ai i kuptonte idealet e atij për klubin.
"Special One" (I Veçanti) theksoi se dëshiron të përparojë ligën turke dhe futbollin turk, por më e rëndësishmja për të është përparimi i Fenerbahçes, duke i siguruar tifozët se ëndrrat e tyre tashmë janë ëndrrat e tij.
Fenerbahçe njoftoi 61-vjeçari do të mbajë konferencën e tij të parë për media sot./aa
