Kryeministri Rama ndau sot pamje nga shtigjet e bukura natyrore në kodrat e Shkallnurit, në Rrashbull të Durrësit, të cilat janë kthyer në një atraksion turistik për të apasionuarit e turizmit të ecjes, natyrës dhe aventurës.
Rama shkruan se itinerari është me gjatësi 10.4 km dhe mund të përshkohet në këmbë.
“Këto janë shtigjet e bukura natyrore në kodrat e Shkallnurit, në Rrashbull të Durrësit, një itinerar me gjatësi 10.4 km që mund të përshkohet në këmbë dhe që zbulon një anë tjetër të potencialit turistik të Durrësit, krahas detit dhe pjesës historike të tij”, shkruan Rama.
Kodrat e Shkallnurit ofrojnë një peizazh të bukur dhe janë të njohura për bukuritë natyrore dhe pamjet panoramike. Kodrat janë një destinacion i popullarizuar për aktivitete të ndryshme në natyrë, si ecje, piknik dhe shëtitje me biçikleta. Afërsia e tyre me bregdetin e Durrësit ia shton vlerën turistike kësaj zone.
Kodrat e Shkallnurit ofrojnë mundësi të shkëlqyera për ecje dhe hiking, me shtigje që të çojnë përmes peizazheve të gjelbra dhe pamjeve të mrekullueshme. Zonat e hapura dhe natyrore janë ideale për piknik dhe kampe, duke ofruar vende të qeta dhe çlodhëse, larg nga qyteti. Terreni kodrinor i Shkallnurit është ideal për çiklizëm malor, duke ofruar një përvojë sfiduese dhe argëtuese.
Po ashtu, afërsia me Durrësin e bën këtë zonë lehtësisht më të arritshme dhe mund të jetë pjesë e një itinerari mes turizmit të natyrës, ecjes dhe atij kulturor, detar etj./ata
