Policia izraelite sulmoi ekipin e TRT News që regjistroi momentet kur ata rrahën palestinezët që përpiqeshin të shkonin në Mesxhid al-Aksa në Kudsin Lindor të pushtuar.
Si çdo të premte, policia izraelite është vendosur me barriera hekuri rreth dhe në portat e qytetit të vjetër të Kudsit Lindor të pushtuar, që përfshin xhaminë Al-Aksa, që nga orët e mëngjesit. Policia izraelite kontrolloi letërnjoftimet e atyre që erdhën për t'u falur, veçanërisht të rinjve palestinezë dhe i pengoi disa prej tyre të shkonin në Al-Aksa.
Ndërsa një përleshje shpërtheu në portën Bab al-Esbat të Mesxhid al-Aksa kur policia izraelite bllokoi disa palestinezë, policia i rrahu palestinezët atje me shkop. Pamjet me rrobat e përgjakura të disa palestinezëve të plagosur nga policia izraelite janë shpërndarë në rrjetet sociale.
Policia izraelite sulmoi ekipin e TRT News që regjistroi këto momente dhe kameramani Ömer Avvad ra në tokë si pasojë e shtyrjes së policisë. Policia izraelite largoi me forcë anëtarët e mediave nga zona.
Zyra e TRT-së në Kuds theksoi se ekipi në terren paraqiti më shumë se një herë kartat e tyre të shtypit që tregonin akreditimin e vlefshëm në Izrael. Megjithë kufizimet e Izraelit, 35 mijë muslimanë e falën namazin e xhumasë në Al-Aksa në Kudsin Lindor të pushtuar.
Policia izraelite ka vendosur kufizime të ashpra që kanë penguar mijëra besimtarë të falen në Al-Aksa që nga 7 tetori 2023, kur filluan sulmet në Rripin e Gazës.
Kudsi Lindor dhe Bregu Perëndimor janë nën pushtimin izraelit që nga viti 1967./aa