Një nga kafshët më të rralla në botë që po përballet me zhdukjen ka lindur në një kopsht zoologjik në Mbretërinë e Bashkuar.
Jasper, një onagër i adhurueshëm persian, lindi në kopshtin zoologjik të Chester-it në Cheshire, pasi nëna Azita pati një barrë njëvjeçare.
Ka vetëm rreth 600 syresh në natyrë, pasi ato janë renditur si të rrezikuara nga Bashkimi Ndërkombëtar për Ruajtjen e Natyrës (IUCN).
Kjo specie, që quhet edhe gomari i egër persian ose zebra persiane, vjen nga rajoni gjysmë i shkretë i Iranit dhe ka lidhje me gomarët shtëpiakë.
Mike Jordan, drejtor i kafshëve dhe bimëve në kopshtin zoologjik, është "i kënaqur" për lindjen e Jasper-it.
Ai tha: "Onagrit janë speciet më të kërcënuara ekuide në botë dhe një nga kafshët më të rralla për të cilat ne kujdesemi këtu në kopshtin zoologjik.
"Ne jemi absolutisht të kënaqur që ka lindur një mëz i ri. Ai do të ndihmojë në rritjen e numrit global të kësaj specie pak të njohur. I riu këmbëgjatë, i cili është quajtur Jasper nga ekipi ynë, po ecën shumë mirë dhe mamaja Azita po bën një punë fantastike. Ai është plot energji dhe kënaqet duke luajtur me rërë ndërsa vrapon rreth habitatit të tij."
Chester Zoo është i vetmi vend në Angli që punon me kafshët për shkak të sfidave të mbarështimit dhe kujdesit për to./SyriNet
