Egnatia është në kërkim të një portieri dhe duket se e ka gjetur në Greqi. Panagiotis Ginis ka një akord me klubin kampion të Shqipërisë dhe pritet të prezantohet në orët që vjinë.
Largimi i Alen Sherrit te Cagliari në Serie A ka bërë që Egnatia të kërkojë një gardian për katërkëndëshin, me 25-vjeçarin Panagiotis Ginis që është produkt i Apollon dhe me një të kaluar të gjatë te AEK-u i Athinës.
Nga 2021 deri pak muaj më parë ai ishte pjesë e ekipit të dytë në skuadrës nga kryeqyteti grek, ndërsa tani ka mbetur pa kontratë. Gjithçka duket e kryer dhe
Panagiotis Ginis do mbrojë portën e Egnatias, teksa nuk duhet harruar se rrogozhinasit kanë në gjirin e tyre edhe Ilir Dabjanin, 23-vjeçarin që në Kupat e Evropës tregoi paraqitje dinjitoze dhe kërkon një fanellë titullari./Shqiptarja
