Norma mesatare e interesit të portofolit të kredisë për blerje banesash nga individët në lekë zbriti në 4.59%, në fund të 6-mujorit të parë 2024, sipas statistikave nga Banka e Shqipërisë.
Krahasuar me të njëjtën periudhë të një viti më parë ato zbritën me 0.62 %.
Banka e Shqipërisë vëren se, yield-et e ulëta të bonove të thesarit kanë një ndikim direkt edhe në çmimin e kredisë për sektorin privat në monedhën vendase, që zakonisht ndërtohen mbështetur mbi ecurinë e yield-eve të bonove 12-mujore.
Ndërkohë, norma mesatare e interesit e portofolit të kredisë për shtëpi në lekë ka prekur nivelin më të ulët që prej nëntorit 2022.
Normat e ulëta të interesit dhe kërkesa e lartë për financim po bëjnë që kredia në lekë të rritet me ritme shumë të larta. Për gjashtëmujorin e parë të vitit, kredia në lekë është rritur me 52% krahasuar me të njëjtën periudhë të një viti më parë./ata
