Ushtarët izraelitë arrestuan dhjetë palestinezë të tjerë gjatë bastisjeve në Bregun Perëndimor të pushtuar.
Sipas agjencisë zyrtare palestineze WAFA, forcat izraelite arrestuan një të ri në një bastisje me shumë automjete në agim në Sair, në veri të qytetit El-Halil.
Forcat izraelite arrestuan pesë qytetarë palestinezë gjatë bastisjeve nëpër shtëpi në lagjen Vadi Semin të El-Halilit.
Burimet lokale raportuan se forcat speciale të ushtrisë izraelite arrestuan dy të rinj në qytetin Tulkarm në veri të Bregut Perëndimor.
Një i ri palestinez u arrestua në bastisjen në kampin e refugjatëve Fawwar, në jug të qytetit të El-Halilit në Bregun Perëndimor, dhe një i ri u arrestua në shtëpinë e tij gjatë bastisjes së ushtrisë izraelite në qytetin e El-Bira.
Që nga 7 tetori, kur Izraeli filloi sulmin e tij në Rripin e Gazës, ka pasur një rritje të ndalimeve, bastisjeve dhe sulmeve kundër palestinezëve në Bregun Perëndimor të pushtuar dhe Kudsin Lindor.
632 palestinezë kanë humbur jetën dhe rreth 5.400 janë plagosur në sulmet e ushtarëve izraelitë dhe kolonëve në Bregun Perëndimor të pushtuar dhe Kudsin Lindor që nga 7 tetori./aa
