Presidenti i SHBA-së, Joe Biden, argumentoi se një armëpushim është "ende i mundur" në Gaza, ku Izraeli vazhdon sulmet e tij.
Presidenti amerikan bëri një deklaratë për media pasi Sekretari amerikan i Shtetit, Antony Blinken, shkoi në Izrael për të diskutuar situatën në lidhje me procesin e armëpushimit në Gaza.
Duke deklaruar se negociatat në lidhje me situatën në Gaza po vazhdojnë, Biden tha: "Ne nuk po dorëzohemi. (Armëpushimi në Gaza) është ende i mundshëm".
Më 15-16 gusht në kryeqytetin e Katarit, Doha, u zhvilluan negociatat me qëllim shkëmbimin e të burgosurve dhe arritjen e armëpushimit në Rripin e Gazës midis Izraelit dhe Hamasit.
Në këto negociata në Doha morën pjesë delegacionet e udhëhequra nga kryeministri i Katarit dhe ministri i Jashtëm, Sheikh Mohammed bin Abdurrahman Al Thani, drejtori i Agjencisë Qendrore të Inteligjencës së SHBA-së, Bill Burns, drejtori i inteligjencës egjiptiane, Abbas Kamil dhe drejtori i Shërbimit të Jashtëm të Inteligjencës izraelite Mossad, David Barnea dhe u deklarua se "shkuan mirë”.
Është raportuar se palët do të vazhdojnë negociatat për armëpushimin javën e ardhshme në kryeqytetin e Egjiptit, Kajro.
Para ngjarjes së mbajtur në Shtëpinë e Bardhë më 16 gusht, Biden tha në lidhje me marrëveshjen e mundshme të armëpushimit në Gaza se, "Jemi më afër se kurrë"./aa
