Misioni i Përhershëm i Iranit në Kombet e Bashkuara (OKB), duke reaguar ndaj pretendimeve që po përsëriten se Teherani ndërhyn në zgjedhjet e SHBA-së, i kërkoi administratës së Washingtonit të sigurojë dokumente në lidhje me pretendimet.
Sipas Agjencisë Studentore Iraniane të Lajmeve (ISNA), misioni iranian në OKB ka bërë një deklaratë me shkrim mbi këtë çështje.
"Siç e kemi thënë edhe më parë, Irani nuk ka asnjë qëllim apo mendim të ndërhyjë në zgjedhjet presidenciale të SHBA-së. Nëse qeveria amerikane është e saktë në pretendimin e saj, duhet të na sigurojë dokumentacionin në mënyrë që ata të marrin përgjigjen tonë", thuhet në deklaratë.
Në deklaratë gjithashtu u theksua se pretendimet në fjalë janë "të pabaza".
Para disa ditësh, ekipi i kandidatit republikan, Donald Trump, në garën presidenciale të SHBA-së akuzoi Iranin për sulm kibernetik ndaj fushatës së tyre. Një akuzë e ngjashme u përsërit edhe më pas./aa
