Ministrja e Turizmit dhe Mjedisit, Mirela Kumbaro zhvilloi sot një takim me ndihmëssekretaren e Përgjithshëm të Kombeve të Bashkuara, Ivana Živković, e cila po zhvillon një vizitë zyrtare në Shqipëri.
Kumbaro bëri të ditur se gjatë takimit diskutuan për projektet e përbashkëta dhe mbështjetjen e gjerë që PNUD Albania i ka dhënë Shqipërisë në fushën e mjedisit, të zonave të mbrojtura dhe marrjen e masave për përshtatjen ndaj ndryshimeve klimatike.
“Do të vijojmë bashkëpunimin e shkëlqyer me PNUD për të tjera projekte që mbrojnë biodiversitetin, natyrën dhe përmirësojnë jetën e komuniteteve në gjithë Shqipërinë”, u shpreh ministrja Kumbaro./ata
