Drejtoria e Përgjithshme e Akreditimit po siguron që produktet dhe shërbimet në Shqipëri të jenë në përputhje me standardet më të larta ndërkombëtare.
Ministri për Ekonominë, Kulturën dhe Inovacionin, Blendi Gonxhja bëri të ditur se akreditimi është garanci për besueshmërinë dhe sigurinë e çdo industrie, duke kontribuar në një treg më të drejtë dhe më të qëndrueshëm për të gjithë
Gonxhja solli dëshmi të disa prej kompanive të shërbimeve në vend kanë përmirësuar cilësinë përmes akreditimit.
“Laboratori ynë është ndërtuar sipas standardeve ISO 15189 prej më shumë se 10 vitesh. Ky standard përfshin kërkesa specifike për cilësinë dhe kompetencën e laboratorëve cilësore. Akreditimi na ka ndihmuar për të përmirësuar vazhdimisht cilësinë e shërbimeve tona. Disa nga përfitimet kryesore përfshijnë përmirësimin e vazhdueshëm të proceseve tona laboratorike, rritjen e eficencës operacionale dhe reduktimin e gabimeve. Akreditimi sipas ISO 15289, jo vetëm përmirëson cilësinë e shërbimeve, por gjithashtu ndihmon laboratorin të jetë më konkurrues dhe i besueshëm”, u shpreh përfaqësuesi i laboratorit Genius.
Ndërkohë edhe shërbimi i kontrollit teknik është një shërbim i akredituar.
“Ky shërbim përmbush të gjitha standardet sipas ISO 17020 që u siguron qytetarëve shërbim sa më cilësor. Akreditimi është një vlerë e shtuar për shërbimet tona”, u shpreh përfaqësuesi DPSHTRR-së.
Edhe organizata të shumta janë akredituar pranë DPA.
“Ne jemi një organizëm i akredituar nga Drejtoria e Përgjithshme e Akreditimit në fushën e certifikimit të personelit. Ofrojmë certifikata të cilat njihen brenda dhe jashtë vendit. Në vit kompania jonë certifikon deri në 3 mijë punonjës”, shprehet një ndër përfaqësuesit e kësaj kompanie./ata
