Pas takimit që ka zhvilluar Komisioni për Punë të Jashtme dhe Diasporë me ambasadorin e Republikës së Hungarisë në Kosovë, Bela Bozsik, kryetarja në këtë komision, Arbëreshë Kryeziu-Hyseni ka thënë se kanë diskutuar për disa çështje që Kosova të ndihmohet për të ecur përpara në agjendën e saj evropiane.
Ndërsa ka shtuar se kanë biseduar edhe për çështjen e anëtarësimit të Kosovës në Këshill të Evropës.
Kryeziu ka thënë se kanë dërguar një ftesë te homologu në Budapest dhe presin që deri në fund të këtij viti Komisioni për Politikë të Jashtme i Hungarisë të vizitojë Kosovën.
/Kosovapress/
